ഇനിമായുമോ

ഇനിയൊരു ഗംഗാ നദിക്കാവുമോ
ഈയെന്നുടെ കറ വിഴുങ്ങുവാൻ
ഇനിയൊരു ജന്മം കൊണ്ടാകുമോ
ഈ കറതൻ വിഴുപ്പലക്കുവാൻ
ഇനിയെന്നുടെ നറുമുത്തുകൾക്കാകുമോ
ഈ ശീലതൻ കീറൽ മറക്കുവാൻ

ഇനിയുമിനിയും ഞാൻ
ഈറനണിഞ്ഞാൽ
ഇന്നലത്തെ ചരിത്രം മായുമോ
ഈറനല്ലീ ജീവൻ ചൊരിഞ്ഞാലും
ഇനിയുണ്ടാകുമോ പൊൻവസന്തവും

ഈയുള്ളവന്റെ ഇന്ദ്രപ്രസ്ഥവും
ഇനിയെന്നുടെ ഇച്ഛാശക്തിയും
ഈയുലകിലെ സാമൂഹ്യശക്തിയും
ഇല്ലയില്ലയിനിയേതുമേ കൊടുത്താലും
ഈയുള്ളതിന്റെ ഇരട്ടികൊടുത്താലും

ഇനിമായുമോ ഞാൻ തറച്ച മഴുവും
ഈ ചൊരിഞ്ഞ കറയും
ഇനി വരും നോവും
ഈയൊരു ശ്വാസവും